علي عيني يا ضنايا

ليه يا امي مليون سؤال جوايا
ليه يا امي بتكون تقيله خطايا
وصاحبي ورفيق عمر وصبايا
بيجري ويجري ويسبق دنيايا
... ... ...
ليه يا امي ماسك في ايدي عصايا
وفي قدمي حديد مكبل خطايا
وطريقي طويل ومالوش نهايه
جاوبي يا امي ايه الحكاية
... ... ...
ليه دايما بتداري دموعك
ليه يامي بسمع وجوعك
وبحس ببكاكي ساعة خشوعك
وبسمع دعاكي يامي في ركوعك
... ... ...
ليه يا امي حاسه بهزيمة
وفي صوتي يا امي نبرة حزينة
وقلبي يامي خايف معايا
جاوبي يامي ايه الحكايه

النثر ممتاز جدا جدا ولكن يثوبة بعض الشيئ وهو انه يغلب غلية الحزن والاسى والتشائم والعتاب وكنت اتمنى ان يحتوى على الفرحة والبهجة
اخوكم المخلص

هوداحالنا وهو دا احساسنا انت معوق ولا لا
لو كنت من المعوقين مكنتش هتقول بهجة وفرحة
كنت هتقول الكلام دا صحيح

اولا ليكى كل الحق بأن النار مش بتلسع اللا اللى كابشها بمعنى مهما وصف الانسان اى حالة مش هيحس بيها زى ما تكون عنده على العموم بشكرك وعفاكم الله وعفانا بس عاوز اقلك شيئ ان الاسان مش بياكل كل شيئ مهما كان اذا اعطاكى صحة اخذ منك المال واذا اعطاكى المال اخد منك العيال ولو اعطاكى المال والعيال اخذ منك الصحة فهى معادلة متزنة وضعها الله سبحانة وتعالة فى الكون وكلما احب الله شخصا ابتلاه وقدر رزقة فلا حيلة فى الرزق ولا شفاعة فى الموت فتخيل نفسك تكسب كل يوم اضعاف مضاعفة من الحسنات عنى سليم البنيان فحمد ربك ولا تتمرد فأنت فى نعمة والله لا تقدرها وحينما تتمرض نفسك عليك اذهب للمشتشفيات وشاهد المشلول والمبطون وغيرهم حينئذا هترجع تبوس التراب اللى انت بتمشى علية وكفاية انك بتشوف التراب ده نعمة لوحدها لا يحصاها الا الله
اخوكم المخلص