سافرت سافرت بلاد بعيدة
وقلت يمكن ابقي سعيدة
واتعلم افرح من دي البلاد
واشوف فيها ناس سعيدة
هاني وهنية وسعد وداد
اسامي سعيدة وجميلة وفريدة
واخدت معايا زاد الزمان
كلمة حلوة وحبة حنان
وقلب طيب وصافي كمان
لكن نسيت اقول للدموع
انا في مكان وانت في مكان
ونسيت كمان اقول للزمان
كفاية حزن كفاية هوان
سافرت ماعرف رايحة لفين
وتهت ولا وصلت بسلام
وازاي هرجع زي ماجيت
ولا دي سكة مالهاش رجوع
وايه هيسعد القلب الحزين
وهو مالوش غير الدموع
مهما راح كل النجوع
مهما سافر كل الربوع